Loading...

رئيس مجلس الإدارة ورئيس التحرير

بدر صبحي

أخر الأخبار

كابتن حسين يكتب .. الحياة وردية للمعاقين وعجبي

بواسطة admin | تعليق 0 | 19 أكتوبر 2014

بقلم / حسين عبد الفتاح

هذه هى قصه الشقق وحسرتاه على متحدى الاعاقه نظره ومدد
اعلنت الحكومة مشكورة عن الوحدات السكنية والتى خصصت نسبة 5% لذوى الاعاقة ….. لحد هنا ده جميل جدا نخش فى التفاصيل
1 – للحجز 5100 جنيه يرد منهم 5000 اذا لم يتم التخصيص ….. ماشى نعديها
2 – اذا تم التخصيص يتم سداد 15% من ثمن الوحدة فى خلال شهر كحد اقصى … دى بقى نفصصها
اولا هو كام اصلا سعر الوحدة ؟ وهل النسبة دى على سعرها الحقيقى ولا على سعرها بالاضافة للفوائد والتى تسدد على سنوات ؟ ووحدة سكنية 90 م زى الاعلان ما بيقول اكيد بمبلغ وقدره ؟ يعنى مطلوب من المعاق يعمل حسابه فى 30 او 40 الف فى اول الليلة ……… ده على اساس ان المعاق يقدر يتحصل على المبالغ دى بسهولة !!! ………. ناخد الى بعده
3 – القسط الشهرى 480 كحد ادنى وكمان يزيد كل سنة بنسبة 7% ……. ده على اساس ايه ؟ الحد الادنى للاجور ؟ ولا معاش المعاقين الى بالالاف ؟ يعنى ببساطة كدة لو حسبنا اسرة معاق متزوج ولديه طفل واحد حيكون مطلوب منه دخل شهرى كام عشان يفتح بيته اذا كان الاساسيات لوحدها لو فاز فى السحب واخد الشقة كالاتى :-
480 القسط + 70 كهرباء حاليا + 30 مياة + 20 غاز + 150 اتصالات = 750 جنيه
المواصلات ؟
الاكل ؟
اللبس ؟
المدرسة ؟
الدكتور والعلاج والجهاز ؟

انا عندى حل مش الحكومة هدفها اسعاد المواطن تمام انتم تعدمونا احسن حل والفائدة حتعود علينا وعليكم وحقول لكم ازاى
اولا علينا
1 – ذنوبنا الى بناخدها كل يوم من السب واللعن فيكم حتقف
2 – حنكون شهداء باذن الله ونخش الجنة والشقق هناك ببلاش
3 – حنرتاح من الهم والفقر والقرف الى عايشين فيه يوميا
ثانيا عليكم
1 – تعداد مصر حيقل 15 مليون وممكن زيادة عشان الى حيتحسر علينا
2 – حنوفر لكم نسبة 5% فى العمل والسكن والمعاشات وتنتعش الدنيا
3 – حتبطلوا استخدام مسكن الصداع الى بتخدوه بسببنا
..
..
شوفتوا الحياة حلوة وسهلة ازاى

 مقالات ذات صلة

 أكتب تعليق


جميع الحقوق محفوظة لجريدة الحقيقة اون لاين 2014 - 2015