26.6 C
مصر
29 مارس,2024
تكنولوجياكتاب الحقيقة

التصويت الالكتروني

 

بقلم / إبراهيم الباز
لما بتكون عميل في بنك والبنك دة له خدمات اونلاين … يعنى تقدر تحول فلوس من حسابك لحساب تانى ليك او لحساب حد تانى او بتدفع فواتير او بتشتري حاجة من النت طبعا النظام دة بيكون أمن جدا … مش هقول امن بنسبة 100% لكن معدلات الامان تقترب من الرقم دة فعلا

الألية بتكون انى بسجل في الموقع بتاع البنك وبروح البنك بنفسي عشان انشط الحساب عشان البنك يتاكد انى انا اللى سجلت عالموقع … الخ

لما اجي ادخل بقي لازم ادخل اليوزر والباص .. وبعدين بيطرح عليا سؤال سري بكون انا اللى حاطط اجابته مسبقا …. بعد كدة بيرسل لي رسالة تستخدم مرة واحدة بس على موبيلي اللى انا برضة مسجلة قبل كدة الرسالة فيها عدة ارقام كدة بكتبها في الموقع
وبكدة الموقع بيتاكد انى انا صاحب الحساب من خلال معاييير الامان دي طيب اذا كان النظام دة ناجح جدا وبيستخدم في 100 % من البنوك على مستوي العالم … اي الصعوبة انه يتم استخدام نفس النظام في العملية الانتخابية خصوصا للمغتربين .. خصوصا ان في منهم ناس كتير جدا بعيد عن اللجان الانتخابية وميقدروش يروحوا بنفسهم .. وفكرة ارسال الصوت بالبريد كانت فكرة عقيمة وبطيئة ولا تخلو من شبهة التلاعب

– فكرة النظام دي اولا هتكون سريعة جدا … سهلة في التعامل معاها … ومن اي مكان فيه انترنت … ولا ازدحام ولا تجمهر على مقار السفارات ولا سفر وتعب واجازات من الشغل ومصاريف … الى جانب انها هتوفر مجهود ضخم جدا في استلام الاوراق واللجان وفرز الاصوات و و و و و و الخ وهتقلل كمان من نسبة ابطال الصوت عن طريق الخطأ او عدم الوعي لان في الموقع مطالب انك تصوت لفلان او علان وبس .. لا هترسم قلوب عالورقة ولا تكتب اسمك ولا العبط دة

– كمان الكل هيستفيد ان صوته بالفعل مسجل وبينتخب بدل الاصوات اللى بتضيع كل سنة هبااااااااء وبتتحسب عالكتلة الصامته بالكدب … واللى في ناس هتستغلها على انها رفض للانتخابات او تسيسها على حسب هواها.

بناشد كل اللى بيقرأ البوست دة ان لو الكلام دة مقتنع بيه وحاسس باهميته والمشكلة اللى بتكرر بسببة كل استحقاق انتخابي .. ينشر الموضوع دة ويعمل له شييير لعل وعسي نقدر نغير حاجة

أخبار ذات صلة

أضف تعليق