رمضان كريم « جريدة الحقيقة أون لاين

أخر الأخبار

بواسطة admin | تعليق 0 | 10 يونيو 2015

هبه الله إبراهيم

الأزمة الإقتصادية في شهر رمضان

مش سببها شهر رمضان أبدا
سببها ثقافتنا احنا العجيبة والغريبة جدا

قبل رمضان بشوية
تلاقي الكلام كالتالي
رمضان بيحتاج مصاريف
محتاجين فلوس عشان طلبات رمضان

هو مش رمضان ده برضو شهر العبادة ؟
أيوة بس صيام بقي وأكل وكده
يعني احنا مش بناكل باقي الشهور مثلا
ما احنا بناكل وبنشرب وكل حاجة عادي يعني

ثقافة عند الفقير والغني غريبة ومستفزة
ده المفروض أصلا ان المصروفات تقل
لان المفروض اننا مش عندنا وقت للبزخ
ومش عندنا أسباب للإسراف في الأكل والشرب

لكن ازاي
لازم ولابد وحتما
مليون صنف علي السفرة
ونص مليون عصير
وحلويات أشكال وألوان

وفي الآخر
أول المدفع ما يضرب بنفضل نشرب ماية ومناكلش
وبالهنا والشفا للقطط

نفسي نتغير
ونقابل رمضان بشكل مختلف
ولو لابد وحتما من المصروفات الزيادة
يبقي لله
عشان ربنا يبارك
علي الأقل خالص
ما نقص مال من صدقة