بقلم / رشا ابو رجيلة
زنزانتي لو تنطق تقول أنا السجان
م الظلم بتعلق حتي علي الدخان..
وأغني ودموعي تسأل علي العنوان
إنسان ..في عيونكم ولاانا مش إنسان
ظلم وألم وخوف يحكوا حكاوي زماااان
تضامن… تأهيل..رعاية مش كانوا كان ياماكان
ملعون أبوك ياحزن فكرتني بزمان
أيام كارنيه الإعاقه وشهادة التأهيل
ومكاتب التحدي وفوتوا علينا بكره
وقوائم الإنتظار ولو راجل هات بديل
جمعياااات ..مؤسسات وتجارة بالإعاقات
مزدااات.. مزاداااات سعرك كام يا بيه
في سوق النخاسين ولا تسوي أي حاجه في عيون البشواات
سعرك يا دوب جنيه يتحط في الحساب لكشوف الجمعيات
يوم مايجي رمضان إضحك وقول ساعدوني زي أي شحات
إلبس جهازك وإمسك عكازك وغني يا بهلول لعطايا البهوات
وخد مكانك جنب الملاجئ في كشوف الإعانات
إوعي تحلم تشارك ولا تنطق فين حقوقي
حقوقك في التضامن في كشوف المعاشات
إوعي تقول إتاحة ولا تحلم بدمج
و إمسح من دماغك كلمة إتفاقيات
خلص الكلام خلاص وأبونا السقا ماااااااااااااااات
بقلم يشعر بالحسره
لكن يلفظ أنفاسه الأخيرة
عذرا صحبتي فأنا في مرحلة التخاريف
رشا أبو رجيله