Loading...

رئيس مجلس الإدارة ورئيس التحرير

بدر صبحي

أخر الأخبار

ولاء حجازي تكتب … يا وطن

بواسطة admin | تعليق 0 | 11 يناير 2017

بقلم : ولاء حجازي 

آه يا وجع ساكن فكل الأفئدة
الحزن طال كل الوطن والأوردة
غطى سواد الليل شوارعك ياوطن
ده ربيعنا قرب يختفي بالشكل ده
شيطايين ليه باقية لسة فوسطنا
عمالة تسحب كل يوم روح مننا
ليه كل ما دروب الأمل بتضمنا
نصحي نلاقي رصاص الغدر فقلبنا
ورصاصه خاين زارع فتاين وسطنا
عايزة حياة متكنش فيها الناس كدة
ليه الحروب وسط الدروب ليه العدا
ولإمتى يوميا شهيد هيلبي ليكى الندا
ولا حد عارف يوم يداوى فجرحنا
طب مين يعوض أم الشهيد عن ابنها
أو راح يصبر يوم عيلتها عن حضن كان بيضمها
فوق ياوطن وارفع سلاحك
ضد اللى خاين والعميل
اقرأ تاريخك جدد كفاحك
قواتنا ماتعرف مستحيل
عايزينها تخرب لا والله ابدا راح تعمر أكتر
عايزينها تضعف لا والله ابدا راح تقوى أكتر
لو مين هيقدر علي مصر يوم فالله أكبر
ده الروح بترخص لأجل الوطن ووطنا غالى
طول عمره شامخ نجمه طالع فالعلالي
م احنا أحفاد الفراعنة اللى طردنا كل غازى ولا عمر يقدر يوم علينا أى استعمارى أو انتهازى
لو مات شهيد أو ميت شهيد مليون شهيد فشهادته عيد ع الجنة طاير قلبه سعيد
عايش بروحه فقلبنا ضحي لأنه مننا
لأجل الوطن ولأجل مانعيش كلنا
تعيشي يامصر لو حتى هنموت كلنا ..

 مقالات ذات صلة

 أكتب تعليق


جميع الحقوق محفوظة لجريدة الحقيقة اون لاين 2014 - 2015