Loading...

رئيس مجلس الإدارة ورئيس التحرير

بدر صبحي

أخر الأخبار

مركب واحد

بواسطة admin | تعليق 0 | 10 فبراير 2015

 

بقلم / الشاعر آسر طرباي

إحنا في مركب والموج عالي

والريح عاتية وما بتبالي

الربان ماسك للدفة

تيجي الموجة يعدي بخفة

وأما بترجع تعلا وتعلا

عنده ذكاء معروف بالحكمة

عنده مهارة بيقدر يحسب

قبل الريح ما تطول المركب

عارف هو ازاي يفاديها

ويخليها لا يمكن تقلب

خايف علي كل الركاب

بالنسبة له الكل أحباب

ومعرفهم ان الوحدة

هتنجيهم م الإرهاب

وإن كان حد عليها مش فاهم

أو متكل أوكان واهم

ان المركب لما هتغرق

هينجوه وهيبقي معاهم

المتعلق بس بكلمة

مش شايف النور م الضلمة

ومهما تقوله ان احنا هنغرق

عنده آمال إنه هيتهني

احنا واجبنا ان احنا نساعد

وميبقاش ولاواحد قاعد

وبيتفرح ع الربان

احنا وهو مصيرنا دا واحد

 مقالات ذات صلة

 أكتب تعليق


جميع الحقوق محفوظة لجريدة الحقيقة اون لاين 2014 - 2015