Loading...

رئيس مجلس الإدارة ورئيس التحرير

بدر صبحي

أخر الأخبار

كلها أقنعة .. للأديبة / ماجدة قناوي

بواسطة admin | تعليق 0 | 15 ديسمبر 2015

 

كلها أقنعة

مش ناقصة خداع

الحب أساسا مش موجود

على أرض الزيف

فبلاش نتصنع فى مشاعر

ملهاش لازمة

كلكوا واحد

متغطى بعبارات مختلفة

وح نكدب ليه ؟!

ونقول حكايات

ونقضى ساعات

والعمر أساسا كان ضايع

والباقي يا دوب

بيسد خانات

اهربوا من بعض

فارقوا الإحساس اللى بيخدع

فارقوا الكداب

واكفروا بالزيف

واحضنوا ف القلب اللى بيسمع

دقات الروح وشعور الصدق

علموا إحساسكم يتألم

علشان الغير

فى ناس تتمنى تكون عايشة

وياكم بس

فرحتهم ف القرب وكلمة

بتغير بسمة شفايفهم

وبتفتح كل طاقات الفرح

وف عز الجرح

بتغطى دموعهم اوجاعهم

وبيوهبوا ليكوا حياتهم

حس

كفاياكوا خداع

الحب أساسا مش موجود

على أرض الزيف

 مقالات ذات صلة

 أكتب تعليق


جميع الحقوق محفوظة لجريدة الحقيقة اون لاين 2014 - 2015