Loading...

رئيس مجلس الإدارة ورئيس التحرير

بدر صبحي

أخر الأخبار

أنت داخل الفيس بأيه؟

بواسطة admin | تعليق 0 | 14 ديسمبر 2015

 

بقلم / مريم النجار

‫نوع داخل الفيس ‫بعينه داخل بس يتفرج ع الصور ويبعت إضافات للى صورها حلوة او صوره حلوة ..!!

فاكر نفسه فى مجلة ميكى وشغال لايكات ع الصور وخلاص وتعليقات فى الغالب مستفزة وبايخة ..!!

#نوع داخل الفيس ‫بعقله والنوع ده بجد تتمنى صداقته ليه بقى ؟ لانه فاهم هو بيكتب إيه وبيعلق ازاى ..؟

نوع يثريك ويضيف للهوم بتاعك كتير مش بيعلق غير اما يكون عنده جديد يضيفه حتى الاختلاف معه في الرأي مش مثار لجدل عقيم واصطدام

نوع داخل الفيس بقلبه ده بقى تلاقيه داخل جرى ع الانبوكس هاى ..نتعرف ..بحبك ..وتلاقى الوول بتاعه مليان ورد وكلام حب ويا سلام لو لقى شريك مناسب تحس انك مفروض تنزل شجرة وكوبايتين لمون وتزقزق لهم

نوع بقى داخل الفيس برجله اه والنعمة تحسه داخل يدوس ع البرفايلات والناس ولا مؤاخذة ‫#‏حمار لا فاهم ولاساكت فى كل موضوع داخل ينهق اثبات حضور

والنوع ده بقى له مريدين كتير زى الاغانى الهابطة

#نوع بقى داخل بأيده …تلاقيه مش راحمك ولا راحم غيرك شغال كوبى بست  آه يا حرامية يا ولاد …..!!

عموما مفقوسين جدا على فكرة ومحدش بيحترمكوا ..!!

شوف نفسك انهى نوع فيهم

 مقالات ذات صلة

 أكتب تعليق


جميع الحقوق محفوظة لجريدة الحقيقة اون لاين 2014 - 2015